أذهان 1

بمناسبة اننا في أخر السنة اكتشفت اني دايما مكتئب مش دايما بس معظم الوقت

وده لأسباب نفسية الحقيقة ونظرا للظروف اللي حوالينا

اولا : نتكم شوية عن الظروف طبعا الظروف اللي حوالينا دي السنة دي مختلفة تماما عن السنة اللي فاتت السنة دي

كله حاسس بالضياع في البلد وعايز يهج وده حال الجميع تقريبا وأنا واحد منهم .

ثانيا : وهو أنا وأعوذ بالله من كلمة أنا

دايما بحس بإكتئاب من حالي تجهمات عبثية بختلقها أو بسببها لنفسي وده لأسباب كتير

1 – انا بحب أصحابي جدا وبحب أسئل عليكم مع تقصيري في بعض الوقت

تقريبا مفيش حد بيقابلني بنفس النسبة وفي ناس بتطنش وعادي وده سبب أساسي

2- حب ضائع كت أحتسبه عند الله ولم يُوفق

3- مشكلتي الشخصية الدائمة اني غير مكتمل التفكير

يعني لما أجي افكر في حاجة دماغي مبتبقاش مركزه بنسبة كبيرة ومتشتته وغالبا مبوصلش لحل مفيد كله عبث في أحيان كتير بيبقي حليت مشكلة وأنا من جوا مش عارف حلتها ازاي

4- سوء خبرتي المتوقفة منذ 3 أشهر تقريبا

سببها قلة شغل قلة مزاكرة قلة كل حاجة

أنا بعاني احساس ضياع في نهاية السنة رهيب وللاسف مش عارف أوقفه

بس كده ..

Advertisements

إتخاذ القرار

بسم الله الرحمن الرحيم

اللي خلاني أكتب التدوينة دي إن أنا تعرضت لأكتر من موقف في فترة قصيرة جدا وكان القرارت اللي أنا باخدها متعلقة بمستقبلي اللي خلاني اشارككم الحاجة دي مش المشاكل طبعا بس طريقة إتاخذ القرار ومن فترة كنت بقرأ كتاب غن إتخاذ القرار لإبراهيم الفقي رحمه الله فحاولت أطبق اللي استفدته من الكتاب

كل شخص في حياته بيقابله مشاكل طبيعية بس يجيب صدها بقرار علي أسس

عشان أخد القرار يتطلب أشياء

     التركيز

ذهن صافي

القدرة علي التفكير السليم

طيب عشان أختار أو عملية إتاخذ القرار عامة هيا التنقية مابين الخيارات المتاحة اللي أنا هختار منها

كيف تتم عملية الإختيار دي ؟

تحديد المشكلة وتجزئها لو كانت معقدة

 أحدد الظروف المحيطة بالمشكلة لو كانت ليها مؤثرات بتؤثر فيها وهيا نفسها بتأثر علي حاجة

        تحديد الإختيارات بطريقة معينة تتناسب مع المشكلة

   علي حد علمي وزي ما اثبتو إن مفيش إختيار أو بديل للمشكلة بيبقي 100 في 100 ولكن بيبقي في نسبة صواب وننسبة خطأ

وعلي أساس كده أنا باخد الطريق الأعلي صواب والأقل خطا علي حسب التحديدات

وفي الخطوة دي بيقابلنا مشكلة عميقة اللي هيا القلق من إختيارتنا والخوف إن يطلع صح أو خطأ

نرجع لحديث رسول الله _صلي الله عليه وسلم – استفت قلبك ولو أفتاك الناس , صدق رسول الله صلي الله عليه وسلم وطبعا الإقتراب من العقائد في حياتنا وإيمانا بيمحو القلق بطريقة رهيبة

 افتكر إن قرارك بإيدك مش بإيد أي حد تاني

إن قرارك ده هيتوقف ويترتب عليه حاجات كتير

أنت صانع قرارك وليس هو صانعك

القرار يكون صحيح كلما اقترب من الصواب وقلة نسبة الخطأ

عدم التحير لرأي أو وجهة نظر أو التعصب إليها في إتخاذ القرار بيضر بشكل واضح جدا

لا تنسي الإستخارة وأخذها كدليل علي إختياراتك وإرتياحك للإختيار

فاضل بس الأشياء اللي ممكن تشوب إتخاذ القرار ؟

هو عبارة عن مثلث كل ما جه التفكير من الشهوة هنلاحظ ضعفه ويكون بصورة خاطئة

ولكن دي الحاجات بتدخل في إتخاذ القرار بصورة واضحة عشان أخد القرار الصح لازم أمشي العكس يعني يبقي جاي من العقل وينزل تحت

بس كده  🙂

الناس والمصالح

السلام عليكم ورحمة الله وبركاته

مبدأيا أتذكر كلمة والدي – دور علي مصلحتك بس للأسف مكتشفتش الكلمة دي إلا لما كبرت

هتكلم دلوقتي عن موضوع شاغلني فعلا هو المصالح مابين الناس وهرد علي شوية إتهامات وٌجهت إلي علي مراحل عديدة

أولا : أنا اكتشفت إن الناس فعلا مينفعش تمشي من غير مصالح ! بمعني إن لو حللنا كلمة مصلحة في حد ذاتها

فهيتضح لينا إن المصلحة هيا: شيئ تتم بغرض مابينا بطلب أو من غير طلب من أشخاص تجمعهم علاقه معينة سواء كان أصدقاء- العائلة – زمايل شغل – زمايل كلية أو غيره ..

فأنا قدام شيئ إن الدنيا ميتنفعش من غير مصالح حد هيقولي إنت أهبل المصلحة الإنسان يبقي عايز مصلحته وبس

 أقولك أه يبقي عايز مصلحته وبس بمعني برضه يعني ايه مصلحة مابين الأصدقاء ؟

 المصالح مابين الأصدقاء بمعناها الاساسي وليست المصالح التي اتضحت لنا حاليا وهو المصلحة العامة وهو إن الصديق بيقف دايما جمبك في أوقات شدتك أو فرحك أو غيره (وبالمناسبة دول قليلين جدا في حياتي ) فهذه تعتبر مصلحة وإن الصديق بيجرك لحاجة كويسة مش لشيئ ضرر وده في حد ذاته مصلحه

ولكن لو إحنا بصينا علي الموضوع دلوقتي إحنا جردنا مفهوم المصلحة  وحرفناه عن معناه الرئيسي اللي شرحته فوق فيجي مثلا واحد يقولك إنت مبتحبش غير مصلحتك او هيا إيه مصلحتي يعني ؟ ماهيا مصلحتي إن احنا نتم علاقة الصداقة أو أيا كانت تحت مظلة محترمة من الفكر والإحترام

بدات أتيقن فعلا إن الدنيا مصالح بس بمفهومها الأصلي !

طب ايه المصلحة مابين افراد الأسرة ؟

كنا زمان في البيت بنعمل حكاية إن لكل واحد دور في البيت مندرجة تحت مفهوم المصالح للتوصل لحل أسمي وهو وصول هذه العائله إلي حد أدني من الإحترام مش معني كده إني بشتم أو بعيب في البيوت التانية يعني انا بدي مثال علي اللي بيحصل معايا

كبرت شوية والحمد لله وبدأت أنا وبعض الأفراد شركتنا الأولي بس هل تخلو من مفهوم المصلحة ؟

المصلحة في حاجة زي دي غالبا بتتمثل في المال أو الدخل العائد علينا ! بالعكس تمام في موقفي المصلحة هنا أو تحويلها  لتندرج تحت مفهوم المصلحة العام كله بيساعد بعضه وبيحب بعضه عشان يشتغل وكله بيكمل بعضه ومصلحتنا هيا إننا ننجح الشركة دي وماهيا إلا مصلحة او بتندرج تحت إسم “هدف” هنا

دول تقريبا اكبر تلت حاجات في حياتي حاليا حاولت أغطيهم

هرد بقا علي شوية اتهامات كده اتوجهت ليا علي مدي فترات ولم أتعود أن يوجه لي مثل هذه الإتهامات .

أنا إنسان مصلحجي ؟ أنا لا أزكي نفسي وأقول لأ بس لو بمعناها الاصلي أنا إنسان مصلحجي فعلا اللي فعلا مضايقني إن معظم الأشخاص اللي بتوجهلي الإتهامات كل واحد كان بيطلب مني حاجة قبلها ويعلم الله إني بكون مشغول جدا بس بزكيه علي نفسي وشغلي وأعملهاله علي حسب مقدرتي .

خاتمه ورجاء : لو هتتعامل معايا إني مبحبش إلا المصلحة لنفسي وبس تتوكل علي الله وتبعد عني وأنا والله مش زعلان

وأنا مقتنع جدا إن الحياة بقت مصالح بس للأسف بتحريف معاناها في يومنا هذه وليست كمعناها الأصلي

د/أيمن رحمه الله

توفي الي رحمة الله دكتور أيمن شخصا عزيزا ووالد وأخ وشخص لا ينسي في حياتي شخصيا ومعظم الذين تعلمو منه

وما بوسعي بعد فقدانه الا الدعاء له فهو يحتاج دعائنا

اللهم ابدله دارا خيرا من داره واهلا خيرا من اهله وادخله الجنة واعذه من عذاب القبر ومن عذاب النار

اللـهـم عاملة بما انت اهله ولا تعامله بما هو اهله .
اللـهـم اجزه عن الاحسان إحسانا وعن الأساءة عفواً وغفراناً.

اللـهـم إن كان محسناً فزد من حسناته , وإن كان مسيئاً فتجاوز عن سيئاته .
اللـهـم ادخله الجنة من غير مناقشة حساب ولا سابقة عذاب .
اللـهـم اّنسه في وحدته وفي وحشته وفي غربته.
اللـهـم انزله منزلاً مباركا وانت خير المنزلين .
اللـهـم انزله منازل الصديقين والشهداء والصالحين وحسن اولئك رفيقا .
اللـهـم اجعل قبره روضة من رياض الجنة ,ولا تجعله حفرة من حفر النار .
اللـهـم افسح له في قبره مد بصره وافرش قبره من فراش الجنة

اللـهـم املأ قبره بالرضا والنور والفسحة والسرور.
اللـهـم إنه فى ذمتك وحبل جوارك فقه فتنة الفبر وعذاب النار , وانت أهل الوفاء والحق فاغفر له وارحمه انك انت الغفور الرحيم.
اللـهـم انه عبدك وابن عبدك خرج من الدنيا وسعته ومحبوبيه وأحبائه إلي ظلمة القبر وماهو لاقته .
اللـهـم انه كان يشهد أنك لا إله الا انت وأن محمداً عبدك ورسولك وانت اعلم به.

اللهم ثبته عند السؤال

اللهم ثبته عند السؤال

اللهم ثبته عند السؤال

…………….

أمانة عليكي يا 2012

أنا هبدأ التدوينة بفاتحة للشهداء لأن دول أول ناس ممكن نفتكرهم لما نقول سنة جديدة كلها حرية

ده غروب شمس أخر يوم في سنة 2011

لولاهم مكناش في وقتنا هذا بنشعر بالطعم اللي احنا بنعيشه دلوقتي

……

ثانيا : السنة دي ليست طبيعية بالمرة

من أول 25 يناير لحد الأن وبنعيش في اضطراب دائم مره حزن ومره فرح مرة شهيد ومره ناجي من الموت وممكن يكون شهيد في يوم تاني

……

بس بالرغم من الاحداث دي كلها الواحد صمم ان يحقق هدفه ويكون حاجة ويشتغل كتير  والحمد لله ربنا قدرني علي كده

……

اتقربت أكتر من أصحابي وعرفت ناس رجالة بيقفو جمبي في الشده وطبعا 2011 دي بالنسبة ليا كانت سنة زي البتنجان كلها مرض وعمليات وقشطة يعني والناس وقفت جمبي

…….

طبعا مش هنسي الكتاوية الكات أعظم فريق اشتغلت معاه وأحسن ناس عرفتهم في حياتي

……

وطبعا مش هنسي المظاهرات والضرب والكمامات والجري وكل الكلام ده

……

أمنياتي في السنة الجديدة 😀

1 – يسقط حكم العسكر

2- اكون عالم 🙂

3- أتجوز 😀

وفي الأخر يعني وفاءا لشهدائنا نقرا الفاتحة تاني

ونسمع الأغنية دي والمجد للشهداء 🙂

والسلام ختام

ارحمونا :(

بدايتي سلامو عليكو

بعد التهيس علي تويتر والتهيس الفظيع طلعنا منه بزتونه

ان الرجاله بقو خرفان والحمد لله ،موضعنا النهارده بقا عن الخرفان و اللي خلوهم خرفان

الاجنده الظريقة :

1- الجامعة

2- بره الجامعة

3- بره منطقة الجامعة

4- قشطة

ا- الجامعة : بصفتي طالب من طلاب الكلية العريقة كلية حاسبات ومعلومات الله يحرقها

فالطبيعي اني بدخل من بوابة علوم  تدخل بقا يا معلم من بوابة علوم تلاقي حقوق بالصلاة علي النبي وتحس بكمية تفاهة ما بين الصبيان والبنات متفهمش في ايه

فهنعتبر دول خرفان متوسطة

الجزء التاني وهو كلية تجارة و تمشي من جمب تجارة تحس ان الدفعة كلها قاعده مع بعضها متفهمش ازاي

فهنعتبر دول تلت أربع خرفان

ادخل علي التقيل بقا ألا وهيا علوم الخروف الكامل علوم بقا مكان مخصص للكوبلز بس لا وجود للشلة هناك 

لا صحيح في ساعات هناك ناس بتلعب احيه (صبيان وبنات)  كما قلنا هنعتبره خروف كامل

وأخيرا وصلنا الكلية بعد معاناه عجيبه عشان نوصل بعد المناظر اللي احنا شوفناها دي

أنا مش هتلكم عن الكلية عشان في ناس في الكلية متابعين البتاعة دي عشان متسببش مشاكل

—————————————

2- بره الجامعة

كلامي عن المشاية – وحي الجامعة والحتت دي

دي بقا أماكن مخصصه للناس اللي عجرت عن القاعدة في الجامعة أو مكسوفين يقدو في الجامعة فبيطلعو بره

ده غير كده البنات اللي بتعمل تسوق أو (شوبينج ) واحد نزلالي بسبت في ايديها والتانيه تقعد تلف عشان تبين انها بنت ناس

وفي الأخر متشتريش حاجه

وغيرهم وغيرهم

————————————–

3- الجزء التالت بره الجامعة

وهو المناطق الأخري بقا زي قناة السويس وغيرها

وغالبا دي بتستهدف بتوع الثانوي تلاقي البت سايبها درسها وقاعد من الخروف الكبير يحبو في بعض عن كوبري القطر المكرم

أو المحافظة اللذيذه

أقسم بالله امبارح شوفت عيلين عيلين كانو بيحبو في بعض

لا وتلاقي القرن الكبير من دول بيتشاكل مع واحد تاني عشان البت بتاعته وبيقطعو بعض

————————————–

4- فقرة القشطة

أنا مبقولش الكلام ده عشان أعاتب حد أو أتمنظر

لأ انا بقول كده عشان احنا تبعنا بجد فين الناس المتمسكة بدينها وفين الناس المسلمة

أنا بكتب البتاع ده عشان أنا تعبت واحنا كلنا تعبنا

لا الرجالة المحترمة عارفين يعيشو وللأسف الأذي الأكبر للبنت المحترمه كمان عشان بيفتكروها واحده منهم

والرسالة هيا ” ارحموناااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا

احنا تعبنا أنا بقالي أسبوع منزلتش الكلية عشان مش عايز أفقد صيامي 😦

 

اطلع بره ياد

أكتّب اليكم هذه التدوينه المهيسه اللي هتضرب الفيو بتاعة البلوج ان شاء الله بس يلا مش مهم خلي الشعب يعيش

اني أكتب اليكم هذه التدوينه بعد ما ضربت بقا يا معلم طبق قرع بالمهلبيه شغل فنادق 😀

نتكلم شوية جد

بس قبل الجد ده لا يعد كمستند رسمي يؤخذ بيه يعني

المهم النهارده كان من أسعد أيام حياتي فعلا

النهارده كان يوم ” المصادر المفتوحه ” اللي احنا اتشمبرنا فيه الصراحه

المهم اليوم كان بينظمه الكات التيم اللي أنا أفتخر بيه حقا يعني

وفيه أشخاص مبقدرش أستغني عنهم سواء في الشغل أو الحياة العادية

أنا أحب أقول فعلا وكلمة حق أنا بضعها شعار ممكن نلغي البطاقة ونمشي بيها عادي يعني 😛

كتاوي وأفتخر 

بس أوعي وشك طبق القرع كان جامد الصراحه 😀

فالمهم رحنا الايفنت الصبح كالعاده رايح أول واحد

بس اللي فرحني وأبهرني حسيت فعلا اني وسط ناس كتاويه يعني حتي الناس المهجننين اللي بتحاول تبقي ناس تانيه هما كتاويه في الأصل أساسا يعني نقدر نقول بعد عمليات حسابيه كده ان أم التكنولوجيا في المنصوره هيا فعلا الكات ومببلغش في الكلمه يعني

أنا في كلمتين اللي كان قاعد معايا في الايفنت في الأخر هيحسهم فيا أوي يعني أو في الكات عامة

m/ el  sayed gamal qoutes “الرجالة متبتبنش الا تحت المطرقة أو تحت الشده”

 “كلٌ يلزمه اجتهاده وهو يبحث عن الحق، واجتهادك لا يلزم اﻷخرين، واجتهاد اﻷخرين لا يلزمك ويبقى أن النوايا على الله تعالى”

لسالم بن عبد الله بن عمر

والقاعده دي أنا ماشي بيها في حياتي كليا يعني

في الأخر انا مش عايز أطلع زعلان من حد أو حد زعلان مني جايز أنا زعلت ناس كتير بس ده بدون قصد أو كشدة مني لأني مبحبش أقصر في حاجه أعملها

بس طبق القرع يا جدع كان جامد برضه 😛

يلا تتمسو بالخير بقا

سلام